Bakı Dövlət Universiteti Mexanika riyaziyyat fakültəsi

"BDU Könüllüləri" təşkilatının Mexanika-Riyaziyyat fakültəsinin Könüllülərinin təşəbbüsü ilə riyaziyyatın tarixi və maraqlı tərəflərinə işıq tutmaq məqsədilə “Riyaziyyat: Qədimdən gələcəyə doğru” adlı tədbir keçirilib.
Tədbir, iştirakçılara riyaziyyat elminin müxtəlif dövrlərdəki inkişaf mərhələlərini tanıtmaq və onun müasir dövrdəki əhəmiyyətini göstərmək məqsədi ilə keçirilib.

Tədbirin açılışında "BDU Könüllüləri" təşkilatının Mexanika-Riyaziyyat  fakültəsi üzrə könüllülərinin sədri Nuray Cəfərova çıxış edib. O, riyaziyyatın qədim sivilizasiyalardan başlayaraq bu günə qədər keçdiyi inkişaf yolunu əks etdirən geniş və əhatəli bir təqdimat edib. Slayd vasitəsilə riyaziyyatın müxtəlif sahələrdə necə tətbiq olunduğunu, həmçinin onun elm və texnologiyanın əsas təməli olduğunu vurğulayıb. Riyaziyyatın yalnız nəzəri sahədə deyil, gündəlik həyatımızda da mühüm rol oynadığını, onun bizə düşüncə tərzi və analitik qabiliyyət qazandırdığını qeyd edib.

Təqdimatdan sonra tədbir maraqlı bir formatda davam edib. İştirakçılar arasında kiçik intelektual oyun keçirilib. Bu oyun zamanı iştirakçılar müxtəlif riyazi sualları cavablandıraraq biliklərini sınayıblar. Yarışın ilk 3 qalibləri isə sertifikatlarla təltif olunub.