Fakültədə təhsil forması əyani və qiyabidir. Təhsil Azərbaycan, rus və ingilis dillərində aparılır. 2014/2015-ci tədris ilindən etibarən Təhsil Nazirliyi tərəfindən yüksək ixtisaslı kadr hazırlığı məqsədi ilə «Riyaziyyat müəllimliyi» ixtisası üzrə «Sabah qrupu» yaradılmışdır.
Fakültədə aşağıdakı ixtisaslar üzrə bakalavr hazırlığı aparılır:
- 050510- «Mexanika»
- 050511- «Riyaziyyat»
- 050114- «Riyaziyyat müəllimliyi»
Riyaziyyat müəllimliyi ixtisasını bitirən tələbələr Riyaziyyat müəllimi ixtisasına yiyələnir.
Riyaziyyat ixtisasında universal kadr hazırlığı aparılır, həmin ixtisası bitirən tələbələr ali məktəblərdə elmi tədqiqat institutlarında işləyə bilər.
Mexanika ixtisasını bitirən tələbələr ali məktəblərdə elmi tədqiqat institutlarında neft, qaz zavodlarında işləyə bilərlər.