Bakı Dövlət Universiteti Mexanika riyaziyyat fakültəsi

 “BDU könüllüləri” təşkilatı Beynəlxalq münasibətlər və iqtisadiyyat fakültəsi könüllülərinin təşkilatçılığı ilə keçirilən “Azərbaycan məfkurəsi” silsilə proqramına start verilib.

 Proqramın ilk görüşü Beynəlxalq münasibətlər və iqtisadiyyat fakültəsi və Mexanika-Riyaziyyat fakültəsi könüllülərinin təşkilatçılığı ilə baş tutan “Azərbaycan ədəbiyyatı və maarifçilik yolu” adlı interaktiv tədbir olub.

 Tədbir çərçivəsində Mexanika-Riyaziyyat fakültəsi üzrə könüllülərin sədri Nuray Cəfərova açılış nitqi ilə çıxış edib və mövzu ilə bağlı fikirlərini bölüşüb. Ardından Beynəlxalq münasibətlər və iqtisadiyyat fakültəsi üzrə könülüllərin sədri Qasım Xəlilov layihənin önəmindən, maarifçilik yolunun keçdiyi proseslərdən və Azərbaycançılıq ideyasının formalaşma mərhələlərindən bəhs edib.

 Tədbirin yekununda tələbələr arasında mövzu və Azərbaycan əsərləri ilə bağlı müzakirələr aparılıb. Sonda könüllülərin maarifçilik və ədəbiyyat sahəsindən gələn təsirlərlə bağlı sualları cavablandırılıb.