Bakı Dövlət Universiteti Mexanika riyaziyyat fakültəsi

Bakı Dövlət Universitetinin Mexanika-Riyaziyyat fakültəsinin və Azərbaycan İstiqlal Muzeyinin təşkilatçılığı ilə “Narkomaniyaya yox deyək!” adlı tədbir keçirildi.

Narkomaniyaya qarşı mübarizə tədbirlərinin həyata keçirilməsində əsas məqsəd gənclərin narkomaniya haqqında maarifləndirilməsi, yeniyetmələr və gənclər arasında təbliğatın aparılması və sağlam həyat tərzinin qorunub saxlanılmasıdır. Tədbirdə Bakı şəhəri Narkoloji Mərkəzinin həkim-narkoloqu Fizzə Baxışova, BDU Psixologiya kafedrasının müəllimi, psixologiya üzrə fəlsəfə elmləri doktoru Nigar Nəsirova, və Mexanika-Riyaziyyat fakültəsinin “BDU Könüllüləri” sədri Nuray Cəfərova insanların sağlamlığını, həyatını ciddi təhlükə altına alan narkomaniyanın qarşısını almaq istiqamətində maarifləndirici çıxışlar etdilər. Tədbir zamanı psixoloq Nigar Nəsirova tərəfindən iştirakçılar üçün proyektiv metodika keçirildi. Tədbirin sonunda Mexanika-Riyaziyyat fakültəsinin THİK sədri Murad Muradov yekun çıxış etdi.

Qeyd edildi ki, narkomaniyaya qarşı cəmiyyətin bütün üzvləri mübarizə aparmalı, yeniyetmə və gənclər arasında maarifləndirmə tədbirləri mütəmadi olaraq təşkil edilməlidir.