Bakı Dövlət Universiteti Mexanika riyaziyyat fakültəsi

24.02.2023-cü ildə Bakı Dövlət Universiteti Mexanika-riyaziyyat fakültəsi Könüllülərinin idarə heyəti və könüllülərinin təşkilatçılığı ilə "Xocalı Soyqrımı-Unutmarıq,Unutdurmarıq! " adlı tədbir keçirildi.Tədbir Azərbaycan Respublikasının Dövlət Himninin səsləndirilməsi, Xocalı soyqırımında həyatını itirmiş soydaşlarımızın, Vətən uğrunda canından keçmiş şəhidlərimizin və Türkiyə Cumhuriyyətində zəlzələ nəticəsində həyatını itirmiş bacı və qardaşlarımızın əziz xatirəsinin bir dəqiqəlik sükutla yad edilməsi ilə başlanılıb. Müzəffər Ali Baş Komandan cənab İlham Əliyevin rəhbərliyi, xalqımızın dəstəyi ilə Rəşadətli Azərbaycan ordusu 44 günlük Vətən Müharibəsində öz qanları ilə  tariximizin şanlı səhifəsini yazdılar. Şəhidlərimizin, Xocalı soyqrımı qurbanlarının qisası alındı.Tədbirdə Mexanika-Riyaziyyat fakültəsindən Elmi işlər üzrə dekan müavini Şirmayıl Bağırov, BDU Mexanika-Riyaziyyat könüllüləri üzrə sədri Toğrul Ələkbərov və BDU Könüllüsü Gülər Musayeva da çıxış etdi. Tədbirdə həmçinin BMİ və Kimya fakültələrinin dekan müavinləri Kənan Vəkilov və Taleh Qəhrəmanov da öz nitqləri ilə çıxış etdilər. BMİ Könüllüləri Zəhra Abdullazadə (təqdimat), Sənubər Qarayeva (şeir), Kimya fakültəsinin könüllüsü Fatma İsmayılova (Musiqi) çıxış etdi.