MEXANİKA-RİYAZİYYAT FAKÜLTƏSİNDƏ OLİMPİADAYA HAZIRLIQ DƏRSLƏRİNƏ START VERİLDİ
Bakı Dövlət Universitetinin Mexanika-riyaziyyat fakültəsində tələbələrin Respublika və Beynəlxalq Riyaziyyat Olimpiadalarına hazırlıq dərslərinə başlanılmışdır.
Hazırlıq dərslərinə 23 may 2023-cü ildə ümumilli lider Heydər Əliyevin anadan olmasının 100 illiyinə həsr olunmuş “Tələbələr arasında Respublika Riyaziyyat Olimpiada”sının qalibi olmuş tələbələr ilə 6 oktyabr 2023-cü il tarixində Olimpiadalara hazırlıq məqsədi ilə keçirilmiş sınaq imtahanlarında ən yüksək nəticə göstərmiş tələbələr cəlb olunmuşdur.
Olimpiadalara hazırlıq dərsləri fakültəmizin professor-müəllim heyəti tərəfindən hazırlanmış xüsusi proqram vasitəsilə həyata keçirilir. İlk dərs 12 oktyabr 2023-cü il tarixində “Riyazi-analiz” kafedrasının müdiri , prof. R.Əliyev , növbəti dərs isə 14 oktyabr 2023-cü il tarixində Riyaziyyat və Mexanika İnstutunun aparıcı elmi işçisi , dos. E.Məmmədov tərəfindən keçirilmişdir.
Olimpiadalara hazırlıq dərslərinə qatılan bütün tələbələrə uğurlar arzulayırıq.
