Bakı Dövlət Universiteti Mexanika riyaziyyat fakültəsi

Bakı Dövlət Universitetinin “Tətbiqi riyaziyyat və kibernetika” və “Mexanika-riyaziyyat” fakültələrinin ANTEC Akademiya ilə birgə təşkil etdiyi “İT sahəsinin perspektivləri: Zirvəyə gedən yol” adlı tədbir keçirilmişdir. 
Tədbirdə Akademiyanın rəhbəri Günay Hüseynli, təlimçiləri Frontend Developer Səxavət Qocayev, Full-stack Developer Elçin Zəkizadə, Qrafik/Web dizayner Faizə Rzayeva çıxış ediblər. 
Çıxışda mütəxəssislər İT və Proqramlaşdırma sahəsində olan müxtəlif ixtisasların fərqləri və illik gəlirləri, karyera imkanları, bu sahəyə hardan başlamalı, uyğun olan ixtisası necə seçməli,  öyrənərkən nələrə diqqət etməli və hansı üsullardan istifadə etməli olduqları haqqında bir sıra məsələlərə toxunublar, maraqlı təqdimatlar edərək gənclərə öz məsləhətlərini veriblər. 
Görüşdə “Özünü kəşf et!” adlı Test-viktorina keçirilib. Viktorinanın qalibinə ANTEC Akademiyada bir ixtisas üzrə ödənişsiz təhsil hədiyyə olunub. Qeyd edək ki, viktorinanın qalibi “Mexanika-riyaziyyat” fakültəsinin tələbəsi Bikəxanım Balayeva olub.  
İnteraktiv şəraitdə keçən görüşdə mütəxəssislər eyni zamanda gəncləri maraqlandıran sualları cavablandırıblar.