Bakı Dövlət Universiteti Mexanika riyaziyyat fakültəsi

14 noyabr tarixində Bakı Dövlət Universiteti (BDU) Mexanika - riyaziyyat fakültəsi Riyaziyyat və onun tədrisi metodikası kafedrasının növbəti elmi seminarı baş tutub. Elmi seminarda Mexanika - riyaziyyat fakültəsinin II kurs magistrantı Fidan Cabbarova “Dördbucaqlının sahə düsturları və onlardan çıxan nəticələr” mövzusunda məruzə edib. Məruzədə dördbucaqlıların ənənəvi olmayan bəzi sahə düsturları isbat edildi və bu düsturlardan çıxan nəticələr göstərildi. Həmçinin bu düsturların bəzi həndəsi faktların isbatında istifadəsi nəzərdən keçirildi. Sonda seminarda iştirak edənlərin sualları cavablandırıldı.