Bakı Dövlət Universiteti Mexanika riyaziyyat fakültəsi

   4 aprel 2024-cü il tarixində Mexanika-riyaziyyat fakültəsinin THİK-nin nəzdində fəaliyyət göstərən “BDU Talks” danışıq klubu fəaliyyətinə başladı. 

Fakültə sədri Murad Muradov tədbiri açıq elan edərək bildirdi ki, İngilis dili hər bir sahənin nümayəndəsi üçün olduqca önəmlidir və perspektivlidir.
İlk dərsdə tələbələr İngilis dilini öyrənməyin asan yollarından danışdılar. Tələbələr dərs zamanı aktiv şəkildə müzakirələrdə iştirak etdilər və klubun gələcək planları haqqında danışdılar.
Qeyd edək ki, “BDU Talks” klubunun görüşləri hər cümə axşamı (4-cü gün) saat 14:00-da 513cü auditoriyada baş tutacaq.