“AZƏRBAYCANDA ELM GÜNÜ” MIVZUSUNDA TƏDBİR
27 mart tarixində Mexanika-riyaziyyat fakültəsində müəllim və tələbələrin iştirakı ilə “Azərbaycanda Elm Günü” mövzusunda tədbir keçirildi. Tədbiri giriş sözü ilə açan fakültə dekanı professor Ziyatxan Əliyev fakültənin yaranma tarixindən, dünya riyaziyyat elminə verdiyi töhvələrdən danışdı və qeyd etdi ki, Mexanika-riyaziyyat fakültəsi Azərbaycanda riyaziyyat cəmiyyətinin yaranmasının bazasını təşkil edir. Bu əlamətdar gün bütövlükdə Azərbaycan elmi ictimaiyyətinin bayramı kimi qeyd edilir. Prezident İlham Əliyevin 2018-ci il 9 aprel tarixli Sərəncamı ilə Azərbaycanda Elm Gününün təsis edilməsi müvafiq sahəyə dövlət səviyyəsində qayğı göstərilməsinin bariz nümunələrindən biridir. Ziyatxan Əliyev xüsusilə bildirdi ki, son beş ildə BDU-da elmə göstərilən qayğı və diqqətin nəticəsi olaraq universitet reyting sıralarında irəliləməkdə davam edir. Daha sonra çıxış edən prof. Məmməd Yaqubov, prof. Əli Əhmədov, dos. Akif Köçərli, prof. Hamlet Quliyev, prof. Arif Səlimov, dos. Yusif Sevdimalıyev də həmçinin, Riyaziyyat və Mexanika elmlərinin inkişafından, bu prosesdə Bakı Dövlət Universitetinin rolundan danışdılar. Tədbirin sonunda Ziyatxan Əliyev əməkdaşlarının timsalında elmə töhfə verən alim və tədqiqatçıları bu əlamətdar gün münasibətilə təbrik edib, onlara xoş arzularını çatdırıb.
