Bakı Dövlət Universiteti Mexanika riyaziyyat fakültəsi

7 dekabr 2023-cü il tarixlərində Bakı Dövlət Universitetində Azərbaycan xalqının Ümumilli Lideri Heydər Əliyevin anadan olmasının 100 illik yubileyinə həsr olunmuş "DİFERENSİAL və İNTEQRAL OPERATORLAR" mövzusunda Respublika elmi konfransının açılış mərasimi keçirildi.

Tədbir Azərbaycan Respublikasının dövlət himni səsləndirilməsi, Heydər Əliyevin və Azərbaycan ərazi bütövlüyü uğrunda canından keçən şəhidlərimizin əziz xatirəsini 1 dəqiqəlik sükutla yad olunması ilə başlandı. Konfransı Bakı Dövlət universitetinin Elm və innovasiyalar üzrə prorektoru professor Hüseyn Məmmədov açıq elan etdi.

Tədbirin açılış mərasimində  Milli Məclisin Təbii ehtiyatlar, energetika və ekologiya komitəsinin sədri, deputat Sadiq Qurbanov  öz çıxışında Ulu öndərin gənclər siyasətindən və Bakı Dövlət Universitetinə olan bağlılığından danışdı.Daha sonra  Azərbaycan Respublikasının Elm və Təhsil Nazirliyinin Riyaziyyat və Mexanika İnstitunun direktoru, AMEA-nın müxbir üzvü, Bakı  Dövlət Universitetinin Ali riyaziyyat kafedrasının müdiri professor Misir Mərdanov Ümumilli Lideri Heydər Əliyevin həyat və yaradıcıllığı barəsində geniş məruzə ilə çıxış etdi. Növbəti çıxışda təşkilat komitəsinin sədri, Bakı Dövlət Universitetinin Mexanika-riyaziyyat fakültəsinin dekanı professor Ziyatxan Əliyev Heydər Əliyevin Azərbaycan təhsilinə və Azərbaycan gəncliyinə verdiyi dəyərdən danışdı. Son olaraq Bakı Dövlət Universitetinin Mexanika-riyaziyyat  fakülətəsinin Cəbr və həndəsə kafedrasının  müdiri, əməkdar elm xadimi professor Arif  Səlimov Ulu öndərlə bağlı öz xatirələrini bölüşdü.

Konfrans işi plenar çıxışlarla davam etdi.