Azərbaycan Respublikası Gənclər Fondunun dəstəyi və “ELM” ictimai birliyinin təşkilatçılığı, Bakı Dövlət Universitetinin və “Master Academy” elm və təhsil mərkəzinin tərəfdaşlığı ilə Ulu Öndər Heydər Əliyev ilinə həsr edilən “100-cü Bahar” bilik yarışı YEKUN MÜKAFATLANDIRMA MƏRASİMİ
Azərbaycan Respublikası Gənclər Fondunun dəstəyi və “ELM” ictimai birliyinin təşkilatçılığı, Bakı Dövlət Universitetinin və “Master Academy” elm və təhsil mərkəzinin tərəfdaşlığı ilə Ulu Öndər Heydər Əliyev ilinə həsr edilən “100-cü Bahar” bilik yarışı YEKUN MÜKAFATLANDIRMA MƏRASİMİ YAP Yasamal rayon təşkilatında baş tutdu.
Tədbir Azərbaycan Respublikasının dövlət himninin səsləndirilməsi ilə başladı, daha sonra YAP Yasamal rayon təşkilatının sədri Bəxtiyar Nəbiyev Ulu öndər haqqında fikirlər səsləndirdi, ardınca ulu öndərin və vətən müharibəsi şəhidlərinin xatirəsi bir dəqiqəlik sükutla yad edildi, daha sonra layihə haqqında qısa metrajlı film nümayiş etdirildi.
Layihə rəhbəri Səbuhi Abdullayev gənclərin layihəyə olan marağından və iştirakçılar haqqında məlumat verdi. Yarışmada hər yaş qrupuna uyğun intellektual tipli və ulu öndərin həyat və fəaliyyətini əhatə edən suallar təqdim edilmişdir. Layihə çərçivəsində 2-ci sinifdən başlayaraq universitet tələbə və magistrlarına qədər hər kəsin böyük həvəslə iştirak etdiyi yarışmada 30-dan artıq məktəb, lisey, kollec, eləcə də 10-a yaxın ali təhsil müəssisəsindən 1000-ə yaxın iştirakçı qeydiyyatdan keçmişdir. Yarışmanın sonunda 30 nəfər qalibə diplom, çanta, qələm, bloknot və layihənin adı əks olunmuş köynəklər hədiyyə olunmuşdur, bundan başqa 90 nəfərə layihənin adı çap olunmuş loqolu çanta, sertifikat, qələm və bloknot verilmiş, 200-dən artıq aktiv iştirakçıya isə sertifikat verilmişdir. Layihənin sonunda iştirakçılarla birgə xatirə şəkli çəkdirilirdi.
