Riyaziyyat və fizika sahəsi üzrə təhsil alan tələbələr üçün Qış Universiteti
Riyaziyyat və fizika sahəsi üzrə təhsil alan tələbələr üçün Qış Universiteti
8 – 12 fevral 2023-cü il tarixlərində Təhsilin İnkişaf Fondunun dəstəyi “Bir Könüllü” Tələbələrin Əməkdaşlığı İctimai Birliyi təşkilatçılığı ilə Quba rayonunda “WinterCamp 2023” layihəsi çərçivəsində riyaziyyat, fizika və əlaqəli ixtisaslarada təhsil alan tələbələr üçün Qış Universiteti təşkil ediləcək. Quba rayonunda yerləşən UNEC-in Tədris, İdman və İstirahət Kompleksində baş tutacaq kampın qiymətləndirmə (imtahan) mərhələsinin ikinci turu 4 fevral 2023-cü il tarixində saat 11:00-da Azərbaycan Texniki Universitetində keçiriləcək.
Qış Universitetinin məqsədi tətil günlərində intellektual və yaradıcı potensialını inkişaf etdirmək, əylənərək öyrənmək, öz ideya və təkliflərini peşəkarlarla paylaşmaq, nəzərdə tutulan infosessiyalarda iştirak etmək, həmçinin asudə vaxtını daha faydalı keçirmək istəyirsənsə aşağıdakı ərizə formasını dolduraraq qiymətləndirmə mərhələsinə qoşul və iştirak şansını qaçırma.
Riyaziyyat, fizika və əlaqəli ixtisaslarada üzrə III və IV kursda təhsil alan bakalavrlar, eləcə də magistratura səviyyəsində təhsil alan tələbələr 4 fevral saat 11:00-da Azərbaycan Texniki Universitetində keçiriləcək qiymətləndirmə imtahanlarına qoşulmaqla Qış Kampında iştirak şansı qazanacaqlar.
Kampda iştirakçı sayı məhduddur. Kampda iştirakla bağlı bütün xərclər təşkilatçılar tərəfindən ödənilir. Qiymətləndirmə imtahanlarında uğur qazanan şəxslərə qış kampı barədə məlumatlar elektron poçt vasitəsilə göndəriləcək.
Qeydiyyat linki: https://forms.gle/W6ypLPJbnY6KdEfB7
Əlaqə vasitəsi: 099 899 01 11
Ünvan: Azərbaycan Texniki Universiteti - H.Cavid prospekti 25, Baku, Azərbaycan AZ 1073