Professor Əmir Şəmil oğlu Həbibzadə - 1960-cı ildən etibarən 30 il “Funksiyalar nəzəriyyəsi və funksional analiz” kafedrasının müdiri işləmişdir. O, BDU-nun Mexanika-riyaziyyat fakültəsində riyazi analiz, həqiqi dəyişənli funksiyalar nəzəriyyəsi, kompleks dəyişənli funksiyalar nəzəriyyəsi, inteqral tənliklər və funksional analiz kurslarından mühazirələr oxumuşdur.
Prof. Ə.Ş.Həbibzadə Banax cəbri, kompleks dəyişənli funksiyalar nəzəriyyəsi və xətti operatorların spektral nəzəriyyəsi sahəsində tanınmış mütəxəssisdir. O, 50-yə yaxın elmlər namizədi yetişdirmişdir. Onun tələbələri respublikanın və xarici ölkələrin elmi mərkəzlərində çalışırlar.
Prof. Ə.Ş.Həbibzadənin elmi məqalələri müxtəlif elmi jurnallarda çap olunmuşdur. O, 3 dərsliyin müəllifidir.
Prof. Ə.Ş.Həbibzadə uzun müddət Ali Təhsil Nazirliyində elmi-metodik şuranın sədri işləmişdir. O, Ali Sovetin Fəxri Fərmanı, ilk dəfə Ali Təhsil Nazirliyinin Fəxri Fərmanı ilə təltif olunmuşdur. Əməkdar Elm Xadimidir.