RESPUBLİKA ELMİ KONFRANSI
02-03 may 2024-cü il tarixlərində Bakı Dövlət Universitetində Azərbaycan xalqının Ümummilli Lideri Heydər Əliyevin anadan olmasının 101-ci ildönümünə həsr olunmuş “Riyaziyyat, mexanika və informasiya texnologiyalarının müasir məsələləri” mövzusunda Respublika elmi konfransı keçiriləcəkdir.
Konfransın məqsədi riyaziyyat, mexanika və informasiya texnologiyaları sahələrində aparılan elmi tədqiqat işlərinin məqsədə uyğun istiqamətlərə yönəldilməsi, prioritet məsələlərin üzə çıxarılması, innovativ metodların istifadəsində fikir mübadiləsinin aparılması, gənc tədqiqatçıların və doktorantların elmi araşdırmalara marağının artırılması, əldə olunan elmi-tədqiqat işlərinin mühüm nəticələrinin müzakirə edilməsidir.
Komfransın seksiyaları:
- Harmonik analiz
- Ədədi üsullar və onların tətbiqləri
- Operatorların spektral nəzəriyyəsi
- Diferensial tənliklər və idarəetmə nəzəriyyəsi
- Bütöv mühit mexanikası
- Riyaziyyatın tədrisində innovativ metodlar və texnologiyalar
- İnformasiya texnologiyaları
- Cəbr, həndəsə və topologiya
Konfransın işçi dilləri: Azərbaycan, ingilis və rus.
Konfransın tələbləri:
Məruzənin adı: Şrift ölçüsü 12, Böyük hərflər ilə, mərkəzdə, interval 1,0.
Müəlliflər, təşkilatın adı, elektron poçt: Şrift Arial, kursivlə, şrift ölçüsü 12, interval 1,0.
Materialın həcmi: A4 formatlı 2 səhifədən çox olmamaqla. Bütün səhifələrdə boş sahələr saxlanılmalıdır (sağdan, soldan, yuxarıdan və aşağıdan 20 mm olmaqla).
Materialın mətni: Şrift Arial, şrift ölçüsü 13, interval 1,0. Düsturlar Equation Editor 3 vasitəsilə yığılır, şrift ölçüsü 12.
Müəllif haqda məlumat: Ad, Soyad, Ata adı, iş yeri və vəzifəsi, elmi adı, elmi dərəcəsi.
Konfransda iştirak etmək istəyənlər məruzənin elektron nümunəsini [email protected] ünvanına göndərməlidirlər. Tezislərin qəbulu 25 aprel 2024-cü il tarixinə qədərdir.
Tezis nümunəsi ilə tanış olun.
Əlaqə:
Ünvan: AZ1148, Akademik Zahid Xəlilov küçəsi-33, BDU Mexanika-Riyaziyyat fakültəsi
Telefonlar: (012) 539 04 93, (055) 233 00 72